علاء سامى امام ·
ورقه وقلم واقسمها نصين واستجمع افكارك
نص اكتب نعم ربنا ادهالك ونص اكتب نعم ربنا اختارك واختبرك بفقدانها واحسبها صح هتلاقي النعم اللى عندك اضعاف النعم اللى فقدتها وتخيل ربنا خد منك نعمه من اللى عندك وضعك هيبقى ايه وانت تعرف انك بنعم كثيره وترضى بنفس راضيه باللى انت فيه
ولو لسه قلبك عليه غشاوه تخيل انه سلب منك نعمتين هتحس بكسفتك انك ازاى مش راضي عن حياتك اللى ربنا قدرلك تعيشها
الرضا مش مسأله معقده فهو يحتاج ليقين برحمة وحكمة الله بأقداره فبعض القناعات اللي لازم نشتغل عليها بحديثنا مع أنفسنا
لا يكلف الله نفسا الا وسعها فربنا هيديك اللي تقدر تتحمله فكن قد ثقته وربنا بيبعت رحمته مع القدر. لتجاوزه فمش تركز بالقدر وتنسى رحمته فالقدر مش هيتغير بعدم رضاك فهيتغير وقت ما ترضى بيه ولو حتى متغيرش فهتتعايش معاه بصدر رحب
لسانك مينطقش غير كلام طيب يدعمك ومتقولش كلام وحش يهبط نفسيتك فأقداركم موكله بالنطق وشوف اللى عندك وناقص غيرك فتحس بقيمة النعم وشوف اجمل نعمه بتحبها وتخيل انك فقدتها بس انت مفقدتهاش لأن ربنا معافيك من فقدانها واكرمك
استعد للأصعب فلو جيه تقدر تتجاوزه واشكر ربنا على الأبتلاء جواك وللناس وافتخر انه اصطفاك فربنا مبيحبش اللى يشتكيه لعباده والأبتسامه متفارقكش مهما قست الظروف فشكر الله هيبدأ من ابتسامتك الصادقه فقرب لربنا بطاعاتك حسب مقدرتك ولو توهت بالطريق ارجع بسرعه متخافش لأن ربنا بيحب التوابين
متحاربش الحزن انه ميجيش لأنها حرب خسرانه بس لما يجيلك اطرده بسرعه وبدل ما تستضيفه ايام وسنين خلي ضيافته دقايق وانهيها بأستعاذة الشيطان واستغفار. وتوجها بالحمد والشكر لله
الحمد لله حتى يبلغ الحمد منتهاه ## ربنا يرضى عنا ويراضينا
