طابور
صِحيت الصُبـح بدري
صَحيت معايا الطيـور
ونزلـت جـنايـن قلبـي
وقطفت احلـىٰ زهـور
و جـبـتـها لِـك هـديـة
علىٰ طبـق ازاز بنـور
يا سـت الحُـسن اِنت
يا شـبه بنـات الحـور
رموشك خيوط الشمس
ووجـهك قـمـر بيـدور
عينيك نجمتين فالسما
وروايح أنفاسك بُخـور
دا الكُل هيمان فيكي
حوالين بيتك طابـور
والكُـل واقِـف مـكانه
وانا قلبي واخد دور
غمـزتي عملـتي عاركة
وصوت وقف ف الزور
محكمة الحُب اتنصبت
وشـاهد شـاهدته زور
وقاضي حكم ب العدل
تداري حُسنك المسحور
ورفـع كمـان الجـلسـة
ووقْـفْـنا تاني طـابـور
كلماتي:
الشاعر: حليم محمود أبوالعيلة
مصر
