رجع الغايب ياقلبي رفرف وارتاح
وﻻتسألني شو صرلي ضاع المفتاح
خمس سنين وعم انطر فرجك يارب
الحمد لله قلبي فرفح والهم انزاح
بس رجعنا عم نندب ماعنا بيت
صالون حﻻقة صغير ماعم نرتاح
كل يوم بقول بتفرج وربي بيعين
والله ما عم اتذكر وين بيتي راح
يارب دخلك برجع وبعيش منيح
والله مابعرف حالي صاير سواح
كل يوم بقول مبارح راح من العمر
يمكن بكره من عمري هو اللي راح
حاجة تغني وعم تبكي والعمر صغير
خبي دموعك بعيونك دمعك فضاح
بيتي بزملكا خربة ما عندي هم
رايح اسكن بالتربة وشبعت نواح
ﻻعمري عاد يكفي ابدا من جديد
والهم بقلبي طفى ضو المصباح
ياربي دخلك قلي شو كان الذنب
حتى بقبري اتهنا وموت وارتاح
بقلمي ماهر نصري
مدونة أكاديمية العبادي للشعر والأدب والسلام 