أحبك
أحبك ….. يا منى روحى
يا بلسم شافى لجروحى
يا نغمة حب جوايا
يا قمره ساطعه ف سمايا
أحبك ماحدش قبلى قلهالك
وبعدك …… كل شئ هالك
قول لى ….. بس إيه مالك
وإيه غير لى أحوالك
أحبك وجوه القلب انا شايلك
يامالكه حياتى انا جاي لك
جايب لك حته من شالك
فى نن العين ………. شايلهالك
وحرف وكلمه …… … تندهلك
أكمل بيها موالك
أحبك غنوه وحكايه
وضله تحت شجرايه
يا ضحكه لما أسمعها
تتوه الدنيا. ويايا
أحبك والسؤال حاير
وقلبى بالأمل طاير
ساعات هادى ساعات ثاير
ينادى عليكى ويقول لك
قول لى بس إيه مالك ؟؟
سيد الحلوانى
مدونة أكاديمية العبادي للشعر والأدب والسلام 