كرهت. ………. النور
******************
كرهت النور عشان قلبنا بالغل موفور
كرهت النور عشان جناح الخير مكسور
كرهت النور لأن الظلم بوجودنا منصور
كرهت النور لأن العريان بنا مشهور
كرهت الوجود كله بعبيره وفله
عشان الصغير محدش ع الخير دله
مبقاش فيه توقير م الصغير للكبير
جيل ورا جيل الشباب بقوا زى البعير
عشان كدا غاب بنا أى جميل وعبير
خلاص جيه الطوفان خلاص أتسرق الأمان
عشان مبقاش مابنا بر أو حتى إحسان
الصغير للكبير هان الأخ لأخوه خان
شبابنا مغيب وجوده مخدرات ودخان
م الٱخر الإنسان خلاص مبقاش إنسان
عشان غاب فكره وعقله وذله اللسان
******************
بقلم
عادل جاد
