بغني بصوت من همي….
موسيقى هادية وقلب بيعزف
بكتب كلام من روح بتنزف
كلام لا هو شعر ولا هو نثر
كلام قلب لما تعب اعترف
أعاتب مين
أعاتب دنيا ولا أعاتب ناس
أعاتب قلب حب باخلاص واتداس
أعاتب روحي اللي صدقت ان لسه في ناس عندها احساس
يا دنيا كفاية بقى عتاب
تعبتي قلبي من كتر العذاب
تديني ضهرك لما احتاجلك
وتضحكيلي لما اكون خلاص سايب الباب
فارقت ناس كانت روحي
فارقت حلم كان مسموحي
فارقت نفسي القديمة
وبقيت واحد تاني بجروحي
مش ان حد يسيبك ويمشي
الخيبة انك تفضل فاكر انه هيرجع وما يرجعشي
الخيبة انك تدي الأمان للي باعك برخيص وما يهموشي
حزين
زي ليل مالوش نهار
زي قلب تايه في صحرا من غير مزار
زي طفل مستني أبوه على باب الدار وما جاش من المشوار
اني لسه بحن
لسه بفتكر كلمةونظرة ولمسة من زمن
لسه قلبي أهبل بيصدق ان الحب لسه ما اتدفنش واتكفن
أنا اللي بيرسم بالوجع لوحة
أنااللي بيعزف بالدمع نغمة موبوحة
أنا الكلام اللي لما يتقال يوجع ويداوي في نفس الروحة
بكتب بحبر من دمي
بغني بصوت من همي
برقص على جرحي وابتسم
عشان ما حدش يشمت في انكساري وهمي
مين قالانها خلصت
مين قال ان الشمس غابت وما طلعتشي
مين قال ان الحكاية ماتت
لا
بكرة جاي شايل فرحة كبيره قد السما
بكرة هتنسى كل دمعة وكل جرح وكل أسى
لسه في أمل
طول ما في نفس طالع وداخل
طول ما في رب كريم عالم بحالك
طول ما في قلب زي قلبك لسه بيحاول وبيحاول
قوم انفض تراب اليأس من على كتفك
قوم اضحك للدنياحتى لو الدنيا ما ضحكتلكش من خوفك
انت أقوى من أي خيبة
انت أغلى من أي سايب وسايبة
انت حكاية لسه ما خلصتش.. بقلمي اشرف محمد ضمراني
