يا ورده
ــــــــــــــــ
يا ورده ومفتّحه
فات النسيم باسها
لا همه مين أهلها
ولا همه حُرّاسها
أصل الورود عطرها
بتحبه كل الناس
وتروق الأنفاس
وندوب فى انفاسها
لما النسيم بيميل
على خد حلو جميل
قالوا اللقا تساهيل
والحلوه لما تميل
تسقينا من كاسها
على ايه نلوم النسيم
هو النسيم غلطان
دى الوردة فى البستان
بنحس إحساسها
قالوا الجمال فتان
يسبى العقول ويفوت
أصل الجمال فنّان
يدخل قلوب وبيوت
والدنيا من غير جمال
أجمل ما فيها الموت
كلمات
عبد الرحيم على
