((خليك واعي))
((حب وغرام؟! مافي داعي))
/////////////////////////////////////////
هوه،، *بدي أقلك أني بحبك
بس بخاف
*تقولي ابعد عني لما تشوفي
جيوبي إنصاف
*ليلي نهاري أنا وحظي
ع طول بخلاف
*الفقر ماسكني اترجى فيه
مايقللي معاف
* من جوعي بطني تحلم لو
بالخبزه الحاف
////////////////////////////////////////////////////
هيه،،*قللي بحبك وأنا لعيونك
موافقه ع طول
* واحلفلك بانو،،،ع نغم هواك
قلبي يدبك يدق طبول
*ومن ناحية جوعنا البابا
عني وعنك هوالمسؤول
* بدو ياني أكون مرتاحه ودوم
يوصي الصراف
//////////////////////////////////////////////////// يقللوعطيها قد مابدا من غير كأني
ولاماني بسرعه قوام
لو طلبت روحي وقلبي ابتعطيها
وفوقن إكرام
هيه حياتي وقلبي وعمري
لو بتنضام
ادوب م القهر ودمعي نهر وبصرخ
جهر ياروحي معاف
//////////////////////////////////////////////////
صدق قولا وراح وطلبها
أتاري كلاما كذب بكذب
صرخ أبوها بوجهو أبعد عني
يا أبن الكلب
جاي تقللي مغرم فيها بيني وبينا
بيربط حب؟؟!!
دبرلوتهمه ودخل السجن بواسطه
قاضي بلا أنضاف
//////////////////////////////////////////////// .
وهيك الدنيا عما بتمشي بهالايام
الحب موضه ماهو فوضه
تقللي مفلس بس مغروم
وشي تمام
بقلك عمو خدها مني نصيحه مليحه
شخ ونام
يمكن بلكي يضحلك حظك و تشوف
طيفا بالاحلام
///////////////////////////////////////////////
ياعزابي اسمع مني
وانسى الحب
ضلك عازب لا لاتقللي
بلاها صعب
ياعم افهمني حاجه تبكي
ودمع تصب
الخطوبه حكم،،، الزيجه الختم
اللي يصدق ع الاعدام
/////////////////////////////////////////////////
شعر ؛ d,, نذيردهان
