بتوعدنى
___________
بتوعدنى ٢٠٠مرة
ولا صدقت ولا مرة
وتتعذّر وأصدّقها
وتتحجّج ما اكدبها
ولا بترسل مكاتيبها
مانا كاشف الاعيبها
وعامل نفسى من بره
تجينى وتفتح الموضوع
يبان الكدب فى عينيها
فى لحظة اغيّر الموضوع
واحايل فيها واداديها
ومين يقدر يزعل مين
وانا اللى بادوب فى دباديبها
ومين فى الدنيا يسمح مين
فى اهل الحب يعاتيبها
يا روح قلبى يا اجمل روح
خلاص سلّمت لكلامك
ولا هابعد هناك وأروح
ولا هاهجرها احلامك
تقولى على روح الروح
تقولى علىّ مجنونك
ومين عقله هيفضل فيه
ومين يوصل لمكنونك
يا عاليه وفي سماكِ اروح
واضيع والقانى فى عيونك
كلمات
عبد الرحيم على
