بمناسبة ذكرى نصر أكتوبر العظيم، أشارككم هذه الكلمات من نبض قلمي، تحيةً لكل بطل ضحى من أجل تراب هذا الوطن العزيز..
‘’
حكاية عبور
يا سائل التاريخ عن يوم الملاحم
روح لـ أكتوبر واقرأ السطور
لما انطلق جيشنا.. والجو غايم
وزلزل الأرض في لحظة عبور
قالوا السد عالي.. والمانع منيع
وبرليف أسطورة.. مفيش ليها حل
رد الجندي بكلمة.. في وقت سريع
“الله أكبر”.. خط برليف اتمحَى ودابَ وشلَ
عبرنا القنال.. والشمس صاحية
ورفعنا رايتنا فوق رمل سينا
والضحكة رجعت في كل ناحية
يوم ما كرامتنا.. بإيدينا استردينا
سلام لـ جندي صايم.. شايل سلاحه
ورافع راس وطنه فوق السحاب
وسلام لـ شهيد.. بدمه سقى واحاته
عشان نعيش احنا.. في عزة وشباب
يا مصر يا أم الدنيا.. يا أرض الأبطال
نصرك هيفضل في قلوبنا علامة
حطمنا المحال.. وضربنا الأمثال
وعشتِ يا بلدي.. في نصر وكرامة
من ديوان (بحبك يا بلدي)
‘’بقلم الأديب/ مجدى متولى إبراهيم
