تغور بالسلامة
……
يغور كل غالى ما حسش بحالى
تغور حته منى لما فى لحظه تهينى
تغور الإبتسامه من عقرب سممنى
يغور الجدال وأفضل لحالى
تغور الوشوش الجاحده قصادى
منهم بشوف لئيمه وضلالى
يغور القريب لو كان معادى
ما ألمح حتى طيفه واقف قبالى
تغور كل حاجة تعكر مرادى
وأفضل لحالى يا محلا مزاجى
أروق من عفنهم بس فى مكانى
ما أنظر لا أشوف طيفهم معدى
لا أقبل سلامهم ولا حسى وكلامى
كأنى ما شايف غير ضل المعادى
تغور كل حاجه وتفضل حجاتى
أفضل لحالى وتعدى سعاتى
يمر العمر يجرى ما أحسش أهاتى
لا يوجع فى قلبى القريب إن رمانى
بكلامه اللى يحرق فى دمى وعظامى
يكفينى نفسى فى دنيا أعيشها لحالى
…..
بقلمى
هيثم محمد عبدالعال
مدونة أكاديمية العبادي للشعر والأدب والسلام 