فين راح…… العيب ..؟؟
كان زمان ……منا قريب
قالوا إختفي مع زمن الوفا
وأصبح …… …بينا غريب
فين راح ………..العيب …؟؟
البنطلون…. بقي ع الموضة
قصير و محزق و برمودا
ما يلبسوش عيل في روضة
لا يرضي عدو …ولا حبيب
فين راح ….العيب …؟؟
ولو طويل يبقي مقطع
و الجسم باين … و بيلمع
و عيون الشباب.. . هتطلع
لا فيه حسيب و لا رقيب
فين راح …. العيب …؟؟
راجل كبير في السن
و ست معاها طفل يئن
و واحدة حامل واقفين
و شاب قاعد يزن
مالوش في الأدب نصيب
فين راح …العيب ؟؟
الورد من شوكه إنجرح
و الود ما يوم طرح
كان عيب ….. تعمل فرح
و جارك حزين…. .و كئيب
راح فين …. العيب …؟؟؟
★★★★★★★★★★
د/عمر عبد الجواد عبد العزيز
مدونة أكاديمية العبادي للشعر والأدب والسلام 