خواطر النسر
اليوم الكلام بالعاميه
عن أحوالنا الشخصيه
من يوم اللي كنا صغار
كانت لدينا أحلام …
كنا نتسابق بالمدرسي
أنا ورفقاتي الطلاب
وكل واحد يحكي عن
حالوووو……
اللي بدو يصير دكتور
تيداوي الناس ببلاش
والتاني بدو يصير محامي
تيدافع عن الفقراء
والتالت بدو يصير استاذ
حتى يعلم الطلاب الأحساس
…وووو….
أنا فكرت كتير بحالي.؟.
قلت بدي غير أفكاري..
وسمعت صوت فيروز الملائكي
بيقول طيري يا طياره طيري
قلبي نبض بالحال…
وبلشت تتزاحم الأفكار
وارسم للمستقبل آماااال
أخدت السرتفيكا والبريفيل
وتابعت حتى حصلت على
شهادة محو الأمية..؟؟؟؟
وتقدمت لنادي الطيران
في الباكستان……
ودرست لغة الحب والحياة
عند شهرزاد وشهريار…
وتخرجت بتفوق عالي
نلت بعدوا يا اللي بالي
شو حلوي تحقيق الأحلام
بعد طول سهر الأيام
وتعلقت فيني السموره
وقالت لي بدي رافقك
مدى الأيام والأعوام..
على الحلوي والمره
ونعيش بأمن وسلام
ما فيني استغنى عنك
أحلامي تشبه أحلامك
مهري رحله بالجو…
بدي شوف الأرض من العالي
ركبت جنبي بالطياره..
وطلعنا لفووووق الغيم
تجاوزنا الجبال والوديان
وشفنا مالك ورضوان
ومعهم شيخ الإسلام
عقدوا عقاد القراااان
وشربنا من نهر العسل
مي وخمر. ولبن…..
لا تسألوني ليش سكران
هيدي فرحة العمر…
وهيك بتكون تحققت
الأحلاااااااااااام….
وفزت بالجنة وأعلى مقام
أنت يا اللي عم تقرااااا
عبر عن رأيك بقليل
من الكلام…؟؟؟
تحياتي والمساء لجميع
الأصدقاء.
بقلمي
د. أبو علي مرهج
٢٠٢٦/٨/١٠
مدونة أكاديمية العبادي للشعر والأدب والسلام 