..(( ليه العناد ؟؟ ))……
ليه العناد …و طول البعاد
و نعيش عمرنا في أحلام
ليه نعاند قلبنا
و نداري علي طول حُبنا
و تزيد في قلوبنا آلام
تعالي نصارح بعضنا
و نسمع مرة لقلبنا
و تسامح
و أنا اصافح
و نصالح بينا الأيام …..
من يوم ما شفت عنيك
و انا قلبي بيسألني عليك
هو بعادي عنك ما يعنيك
ولا غرامك كان أوهام …
و انت عني بعيد
عايش في بُعدك وحيد
ليه قلبك قاسي و عنيد
عيوني ما تعرف تنام ….
إهدي يا حبيبي و روق
تعالي نصحي الشوق
و نطير مع بعض لفوق
نحضن فرحنا
و نداوي جرحنا
و يطول شرحنا
و نقول أحلي كلام ….
أنا يا حبيبي
كتير بشتاقلك
و قلبي ديما يندهلك
و منايا يا عيني أقابلك
نجدد شبابنا
.و نبدد عذابنا
و لا نردد عتابنا
أو كلمة عتاب و ملام
العمر يا روحي. بيجري
و هواك في دمي بيسري
و الآه كاتمها. في صدري
و انت عني بعيد
و. نار أشواقي تزيد
تعالي نبدأ عمر جديد
و نعيش في هيام و غرام
★★★★★★★★★★
د/عمر عبد الجواد عبد العزيز
مدونة أكاديمية العبادي للشعر والأدب والسلام 