ياعم يا بتاع الغرابيل 

عاوز منك غربال 

اهز كل ال فات علي حياتي 

أشوف من هيفضل ومين هينزل

مين ال طلع اصيل ومين ال طلع نخاله

غربالك بكام وخليه مشدود 

الكل ادعي انه حبيب 

وساعة الجد لا حبيب ولا غريب

ولا عيش وملح ولا كان بنا سنين

هو الكل بقي إيه ديابه

 دا حتي الديابه عندها حنين

تعيش في جماعه وتحرس عيالها

ودافع عن شريك حياتها 

لكن إحنا بقينا وحوش 

كل واحد همه نفسه 

 بيجري والدنيا وراه 

داس علي كل حد عشان حياته

عشان كده لازم نغربل 

كل ال في حياتنا 

جايز نلاقي حد كويس 

يطيب خاطرنا بجد 

أكرم كبشة