((ابك يا وطن))

ابك يا وطن..

وضاعف علينا اللوم

عدي كل المحن..

وهِم يا شعب قوم

على بالي وطول عمري

سؤال في كل لحظة ويوم

آسرني وشاغل فكري

وبحال العرب متحيّر مهموم

سؤالي على الكل يسري

صوت الحق ليه مكتوم

والظلم طاغي وساد

والعدل ليه معدوم

خلي الدموع على الخد تجري

يمكن تقدر تغسل همومنا في يوم

علي صوتك قول طمن كل الولاد

عمر الظلام م يدوم

والزمن لو ينعاد

الحاضر يبات مهزوم

والجرح ساكن في القلب لكن

الشكوة ما لها لزوم

قيدوا الشموع على الجراح

مهدور الدم ومستباح

طول م العرب مقسوم

وأكيد طول م الهدف كرسي

يفضل صنم مكتوم

وأحلف بيوم عرسي

فيكم أنا مصدوم

رايح لرب العباد

بشكوة المظلوم

وأكيد يوم الميعاد

للكل بات معلوم

فين حق الوطن والدين

وأنين المظلومين

وفين نصرة المظلوم

دقوا ناقوس الجهاد

واصحوا بقى من النوم

ده مهما قوي الظالم

لابد له يوم

أحمد الغرباوي