زمن الطيبة …بقلم الشاعر صبري رسلان 9 نوفمبر، 2023 بواسطة souadchahidai زمن الطيبه (646) ………….. وباجي كتير على نفسي وبعمل فيها مش شايف وبرسم وش غير وشي وأجمد قلبي وأنا خايف أنا شئ تاني مش هو وطيب قلب من جوا عاجز أصرخ فى وقت الضيق وأخد حقي بالقوة ياما في حياتي ضايقوني وقلوا بقيمتي وهانوني ساعات أبكي على حالي وليه عجزي فى خوف جوا أبويا فى صغري عودني سقاني الطيبه مش قوة وأطاطي لحقي وأتنازل وأكتم دمعي دي القوة فى صمتي أسجنها وبأيدي وأرسم ضحكه بوجيعتي وعمري وعدا في متاهه تشيلني الدنيا وبعافر وخوفي جرفها فضاها هتحصد أيه ما غصنك مال في زمن الطيبه بقى عاهه هعلم إبني يبقى شديد وأدفن طيبتي وأنساها هغير شكلي وملامحي لكن خوفي هوديه فين فى أرض الشر ولا الخير عايش جوايا ملازمني ومين هيحسني حالي بقلم .. صبري رسلان شارك هذا الموضوع: المشاركة على X (فتح في نافذة جديدة) X شارك على فيس بوك (فتح في نافذة جديدة) فيس بوك إعجاب تحميل... مرتبط
ترانيم بحة الناي 