الحظ والخاريف
…………………
عمر الحظ ماكان لي حليف
ليوم اتعزم عندي وكان ضيف
ماأعرفشي له شكل وملامح
سامح يسكن خيالي طيف
نسمة صيف تشاغل أفكاري
الدنيا تحلالي لو القاه جاني
راضي بحالي كل أمالي
ياغالي معايا تكون عفيف
لا تاخد مني ولا تضيف
لو صادفك الحظ وجالك
ماتفرحشي وتفتح احضانك
وارب بابك لا متكنش المقصود
وتعود متعلق بحبال آمالك
أحلامك تنهال عليك بالوعود
نجم سعدك فى الصعود
أحزانك ألامك ملهاش وجود
ويعود شبابك بعد الخريف
ياحظ قلي فين اراضيك
وأنا اروحلك يمكن الاقيك
لو ما تقبلناش متنساش
أنا جيتلك وسألت عليك
ناديت عليك لما اتأخرت
يا حظ يا زهر يا بخت
بدعوك بالأسم إللي له ارتحت
وحياة ابوك لو سمحت
ارجوك بص عاللي تحت
بنظرة عطف كن لطيف
الحظ معاه تتحقق الأمانى
جالي أو راح لحد تاني
ليه اعاتب روحي والوم
المقسوم الأقدار له سيقاني وخداني ورايحه له خطوتي
بكيفي أو مش برغبتي
رسمه له طريقي وسكتي
ما دنيتي أنا فيها ضيف
………
بقلم.الشاعر
الأمير_محمود
ترانيم بحة الناي 