((لسه بدري))

هسيب الشفة للشفة تحكيلها

عن نار الشوق والألم

وحيرتي في البعد تشكيلها

طال المطال.. وانا في الانتظار

وفي بعدها أوقاتي عدم

بس لما تيجي وعيوني تكلمها

ودقة الساعة على نبضي تغنيلها

والشوق يقول أحلى نغم

والجو يصفا ويِعدِلها

بس فين هيَّة أفهمها

أدي الكاس في انتظاره

دخن من حيرته وكُتر ناره

أه يا وعدي ليسقيني مراره

والوردة النعسانة صحتها أنا بالمَيَّة

وبتسألني فين بقى هيّة

غيرت رأيها ومش جايّة

ولا التقل عندها غِيّة

وعقارب الساعة حضنت بعضها بندم

خايفة متجيش وفرحة اللؤا تقلب حزن وألم

بكت الشموع غيابها بغزارة

من حرقة الدموع والمرارة

لكن الدقايق خلتني فايق

والعيون مبحلقة

متعصبة الدقايق متوترة

وأقول يا ساعتي اهدي

ده لسه بدري..

والعقارب لساها متفرقة

زمانها جاية وعدتني هيّة

جاية تجري والشوق حارسها

شايفها وحاسسها وبروحي لامسها

ملهوفة جاية وعينيها ليّا متشوقة

افتحولها البوابات واعزفولها بالآلات

قيدولها الشموع في الساحات

زيّنوا كل الشوارع

بالورود قابلوها يا خدم

زيحوا كل الموانع

وسّعوا ده الفجر طالع

وروني الهمم

أحمد الغرباوي