-،،،،،،،،،(بلاش نحلم)،،،،،،،،،

حلمنا كتير بدون تفكير

وراح الحلم مارجعشي

مع انه بسيط مفيش تنطيط

ولكن باردوا ماعاودتشي

حلمنا بناس تعيش إحساس

وكف مقاس على فأسي

وانام عشمان ببرج حمام

وجوز بياض على شمسي

يدفي الكون ورود وزايتون

لكن مجنون وقال إمشي

ميزان أحلام بتوزن كام

وانام ولهان على رمشي

حلمت بفجر يتوضا

وطول اليوم يكون أهدى

وناس بالضحكة تتعدى

لكن ياخسارة مابنامشي

تعبت كتير من الاحلام

خيال عيشته وكان أوهام

عشان واقع مالهش لجام

بيهدم والا’ ماهدمشي

خلاص بطلت أحلامي

لمست الارض بأقدامي

هفكر في اللي قدامي

وهعطي للي بيعاني

بنفسي هاخرج أفلامي

ولو نايم ماهحلمشي

،،،،،،،،،،،(ششعر)،،،،،،،،،

عبد الله السايح،