عش خفافيش
انا بستعجب علي كل اللي بيقول مفيش و دايماعامل نفسه فقير درويش
بياكل بدقه وقراقيش ومستخسر يصرف وشايل فلوسه في عش خفافيش
الفقر في وش عياله عامل اقفيش نايم علي خميرة تخمر كام فرن عيش
ساكن في قلب الهيش بيتغطي بشوال خيش تملي بيشحت عشان يعيش
انا بستعجب علي كل اللي بيقول مفيش ودايماعامل نفسه فقير درويش
مراته تقول هات يقول ماتحلميش اطلع اللي معايا ويضيع زي الريش
يفضل بخيل والبخل ماينتهيش وكل اللي يقوله علي حاجه يقول مفيش
يموت جعان عطشان دروييش خايف يروح يجيب من عش الخفافيش
الشاعر مدحت فضل
ترانيم بحة الناي 