السرك …بقلم الشاعر محمد رمضان 21 أفريل، 2023 بواسطة souadchahidai _____ الـــــــــــــسرك ______ الدنيا سرك وكدابه والناس غريبه فيها ياباه بشوش كتير بتتلون نوايها عايبه بتتلعون علي كل لون بتتشكل مرسومه دايما للاندال والواطي سايق فيها قدام وابن الاصول فيها تهده سرك ولعبتها الاحبال تمرجحه يمين وشمال مليون واقعه على وشه محدش فيها شال همه بيسند فيها علي نفسه متقولش ده خاله وده عمه الدنيا سرك وكدابه مفيهاش مكان لطيابه دفنوا بغدر الامانه والاخلاق مع السلامه ماتت خلاص الشهامه ده سرك ولسه فيه ياماه الغدارين هم الساده والكدابين فيها بزيادة والخيانه اعلي شهاده الدنيا سرك المصالح تماشي وتعلي الطالح قبر مفتوح للصالح مايتها نبع بحر مالح الدنيا سرك ومعكوسه تجاريها تاخدك في تواهه ماتسمي عليك قبل الدوسه من الجراح عايشه تزيدك ومن افراحها ارفع ايدك تشكي مهما تشكي وايه هيفيدك عزيز شكراً نفذ منها رصيدك الدنيا سرك وكدابه والناس غريبه فيها ياباه تحت التراب راحه ونهايه من سرك الدنيا الكدابه ____ السرك ____ بقلمي محمد رمضان ___ 21/4/2023 شارك هذا الموضوع: المشاركة على X (فتح في نافذة جديدة) X شارك على فيس بوك (فتح في نافذة جديدة) فيس بوك إعجاب تحميل... مرتبط
ترانيم بحة الناي 