……..( لسه تاني )……

لسه جاي تقول لي أحب

ما انت ياما شربت حب

توهت بين كل القوب

سيبت قلب وروحت قلب

وانت كان حقك تتوب

ياما شلت ياقلب ذنب

ياما عيشت سنين معايه

ما انتهت لسه الحكاية

بالجراح ديما نهاية

ليه معاك مجروح ياقلب

اللي ديما حبناهم

واللي بعنا الكون لقاهم

لجل نرتاح يوم معاهم

ما ألقناش منهم ياقلب

غير عذابنا وغير جراحنا

اللي ياما كتير مدحنا

في العينين دابت وبوحنا

ما القناش ياقلب قلب

لسه باردوا عايزني أحب

ما انت ياما شربت حب

خدت ايه ياقلب قول لي 

لسه إيه عندك فاضل لي

خلي عني الحب خلي

عيش معايا وعيش في ضلي

مش باقي في القلب قلب

م الدموع ياما كنت شايل

أي ريح يعمل عمايل

ليه تعيش طاير وحاير

عيش بقى وكفاية حب

شوف كاساتك في الهوى

فاضيه مفيش فيها دوى

إشرب ياقلبي وارتوى

فاضيه الكاسات ومافيها حب

ما انت ياما مشيت وياما

راحت معاك الابتسامة

خدت إيه غير الندامة

خدت إيه ماتقول ياقلب

……….(شعر)……….

   عبدالله السايح