قصيدة بعنوان

(كيف أكون؟؟؟)

كيف أكون إنسان 

عفي وإنتي من الهم

مشيلاني. 

كيف يكون ليكي في 

القلب حب وإنتي في 

حبك معذباني. 

كل حاجه ليكي 

روحي وقلبي

  وسنيني

ال ضاعت وعمري

ماكنت إنسان أناني 

العيب مش فيي العيب

فيكي إنتي

العيب فيكي إنتي

عمر الحياة 

ما كانت هم وغم. 

الحياة ديما أماني. 

الحياة فيها 

حمد وفيها

شكر ورضا. 

إنتي أول واحده 

ما شفت ليها

زي من بين

النساء ولاليها تاني. 

متعرفيش عن شيئ

في حب متعرفيش 

عن كلام له معاني 

إنت قلبي وإنت عمري. 

وإنت فرحتي صبحي 

وأمسي كلمة تشرح

قلبي إل فاض بيه. 

وإية فايدة تبقى

الأغاني. 

مين ضامن حياته

لبكره الرووح من

جوا جسدها.  

بيقبضها قابض

 الروووح

في ثواني. 

مش لينا إل ذكرى

بعد موتنا

يا إما سيرةحلوه 

يا إماسيرة تقرف. 

بيطويها الزمن 

مع إل راحوا. 

وكله ميت وكله

فاني. 

بس مين يفهم 

العقل إل ناقص. 

ومين يوعي. 

ومين يذكر. 

إحساس براجل. 

ديما بيشقا

وديما بيعافر

عشان الدنيا

تمشي.

وديما بيعاني  

أنا فين من دا 

كله لي روووح

وفي دم وإحساس

ومشاعر مانيش

صخر ولاكنت

حجر صوان

من غير قلب

بينبض ولا إيه

مصوراني. 

المريض بيتعلق

بقشايه عشان

يطيب بضحكه

تشرح قلب الموجوع

زي أساسات لبيت

بنيتيه بإيديك

ولي باني

الحنان ملوهش

سوق للبيع 

الحنان طبع 

وفطرة فطرها

ربي ليكم 

وأنا راعي 

ورسول وصاني. 

وإيه تبقى طعم

الحياة ال فيها

صد وفيها 

ضد وفيها هد

وفيها هجر

وعقل وفكر

تايه……..

ومشتتاني. 

كيف أكون…؟

9/3/2023

(ترنيمات وخواطر.بقلم………..)

(شاعر العاميه/خيرى حسنى..)