وليه نتعب
—-
وليه نتعب؟
وليه نهرب؟
ومين يكسب؟
عايشين في الدنيا نتعشّم
مدام الجرح فيكي مكتوب
ومدام الثواب محسوب
راح أنسى اللي جرى لي
وألبس ثياب جميل التوب
راح أسقي وردة بإيديا
وإيه يعني فيها الشوك؟
بلاش الدمع يا عينيا
ومين إمتى دول حسّوك؟
عاوز تبعد، وإيه يعني؟
عاوز تعند، هتوجعني
تعال نعيش يومين فرحة
أيوه بقول لك: اسمعني
عشان طيب، راح تدوق
وإيه يعني وصلوا لفوق؟
وأوعى ياخدك يوم الشوق
وعِش في الدنيا واتعلّم
ومين منه خد حظّه؟
وحتى اللي كنت بتعزّه
باعك وسابك ده في لحظة
وصدّق معاه ولا هزّ
اتعب ولا ما تتعبش
تهرب ولا ما تهربش
تكسب ولا ما تكسبش
مش كله بالنية بيسلّم
بقلم: شعبان عبد الرازق
مدونة أكاديمية العبادي للشعر والأدب والسلام 