شاعر الحواري تايه
شاعر الحواري تايه
ماشي يدور عَ الكتاب
واجع والله قلوبنا
والجزمة نعلها داب
في شعره والله دوبنا
وبيته من غير باب
ماشي في كل دروبنا
والمال منه غاب
الكل يقول أديبنا
وعضوية الكُتّاب
نفتّش جيب حبيبنا
نلاقيه مليان تراب
ليه يا زمن تعبنا
وإحنا أصل الآداب
في الشارع واد صاحبنا
ميكانيكي ياكل كباب
وإن حضر يوم ندوتنا
طاقمين جوّه الدولاب
ده كل مُلك أديبنا
غير الشعر والكتاب
أديبنا ماشي في سِكّة
مش شايف غير ضباب
لو ابنه طلب لحمة
ياخد حتّة م الكتاب
يكتب قصايد تهزّك
ويضيع كل العتاب
والناس تصفّق لشعره
وتقول ده بحر آداب
لو قال بيتين في ندوة
يتلمّ حواليه أحباب
ولو طلب حق تعبه
يتحوّلوا لسراب
عاشق كل بحوره
وسط زمن كدّاب
والحظ يوم ما يقابله
راجع من غير عتاب
وإن ساب الشعر في دربه
الناس تقول كدّاب
واجع والله قلوبنا
وجرحك له أسباب
ليه يا أديب ساحبنا
في سِكّة العذاب
كلمات حمدي عبدالوهاب
مدونة أكاديمية العبادي للشعر والأدب والسلام 