لو روحت تنام روح احلم بيَّ على راحتك
هتلاقيني بالغالي شاريك ومالكش شِريك
وانت يا ساكن قلبي ما في حد هيزاحمك
لَمَّا تصحى تلاقيني ذايبه في نِنِّي عينيك
أنا بقولك إحلم بيا وانا في حلمي الاقيك
حاضن أيدي تحنيها أيديك وتكحل عيني
ولَمَّا أقوم من نومي، أسأل ملهوفه عليك
أَفتح عيني الاقيك وتفَتَّح عينك تلاقيني
شوف الواقع حلو إزاي بقينا موال بالناي
وأمانينا بقيت اغاني يحاكوها العاشقين
واللي لامونا جايين يهنونا والرايح جاي
والعُزال قردهم بقى غزال بيخزي العين
والله ورسيتي يا مراكبنا، على بر الامان
لَمًّا حِلِمْنا واتمنينا سعينا، والحلم إتحقق
أَدِينا على قد نيتنا جنينا، والصعب هان
سامرنا قمر امانينا لحد فجره مَشقشق
#د.جمال_نصر
مدونة أكاديمية العبادي للشعر والأدب والسلام 