..(( .قوولي ..يا نور العين))..
قوليلي……أحيي مين .؟
أحيي أمك..و لا أبوكي
اللي عرفوا فعلاً..يربوكي
و بملابس راقية..زينوكي..
محروسة يا غالية..من العين؟؟
إبتسامتها يا ناس…رقيقة.
و بنظرة واحدة .. بريئة
قادت في قلبي حريقة…
و مشيت وراها..خطوتين
خطوتها هادية..و رزينة
و طلتها تهز …مدينة
تشرح قلوب.. حزينة
و سكنت قلبي..و العين
شافتني ماشي….وراها
أسرعت هيا في ..خطاها
و قلبي مخطوف…معاها
.و عرفت ..ساكنة فين
سألت ….الناس عليها
.شكر ….الكل فيها
و ما حد أبدأ.. لام عليها.
و أهلها ناس….طيبين .
حكيت …لأهلي الحكاية
من البداية للنهاية
.وافقوا… يروحوا..معايا
.و أخدت معايا…دبلتين …..
سألني أبوها..سؤالين
و كل الحبايب…حاضرين
……شفتها يا ابني
أمتي …و فين ؟؟……
قلت يا ناس..لا تلوموني.
.. بلاش حرام.. تظلموني
خطفت قلبي..و عيوني
و أفديها….بالروح و العين.
أهلها….سألوا علينا.
.بعدها…. رحبوا بينا
و دموع الفرح… في عنينا
..و اتجمعوا…القلبين
.و عقبال كل الغاليين…
★★★★★★★★★★
د/عمر عبد الجواد عبد العزيز .
مدونة أكاديمية العبادي للشعر والأدب والسلام 