زجل

   أيام زمان 

اليوم ها أنا جيت نروي 

حكيات تقالت للصبيان

يام لعمر هاه ريتها فنات

غابت فمرا عن لوجدان

تعمر تهرم يلوى عظمك

تعود لفكرك وقات زمان

حين تعلن ساعت النوم

تصرك لجدا بشوق لحنان

و تربت برقة على ظهرك

بيديها لمعروقا الرئيفتان

و بصوت خشنو مر زمان

في وذنيك جا حلو رنان

تحكي و تردد مغامرات

فلان و ذاك لاخر فرتلان

تروي على لغول بو سنان

على لديب لهزيل لجيعان

عل ابن شداد و ذي يزان 

على منصور فاقد لميزان

طاح من صور أثر ما بان

تعيد بكلام ما بقالو مكان

ها النوم عل صوتها حان

و لجفان اتغمضو في آن

إيه إيه على ذاك ازمان

فين لعب ف انهار صفوان

فين الجري بالقدم حفيان

فينك يا يام لهنا و انسيان

راحت خلات لقلب تعبان 

ما بقالو غير كان يام كان

       منصور العيش 

       طنجة

            09 – 03 – 24