***(( المرأة )) **(( المراة))***

المرأة يا أنشودة من سُكَر

يا شَمعة يَلي ضاوية الحُلوين

من شوفت عيونِك صُرت أسكَر

من خَمرة الاخلاق والخَدين

بِترَبي إبنِك دَهر تا يِكبَر

ويظل زَوجِك تاج فوق جبين

والحُب مِنِك دائما أزهَر

لم عَبرتي بسِنك السِتين

كُلِك ثَقافة بتِعشَقي الدَفتر

مثل النِجم ضاوي بشَهر تشرين

فيكي التَواضع ما بيِتكَبَر

يا تاج فوق العين من ياسمين

لما بتِبِعدي القَلب بِتحَسَر

نِشتاق لانه مَعِك قَلبين

لولا جَمالك ما إشتَهَر عَنتَر

يلي بِبَحر الحُب غِرق سنين

وقيس لَحروف الغَزل أمطَر

أجمَل قَصائد وِصلت النَهرين

..بقلمي..ياسين مصطفى بكري…