اللي اتلسع من الشوربة

استحالة يكررها تاني

ده من قلة لهفته للأكل

 بينفخ في الزبادي 

فلو شوفت مكسور 

وحاولت تلملمه

حاسب من رد فعله

الزمن فتفته

لو كان سليم كان ضمك لمحبته

لكن بيبعد خايف يأذي أو يتأذى 

من تاني 

يا تصبر على ترميمه يا تسيبه 

في محنته

ولا تشتكي من بروده وتقول 

ياااه على قسوته

قلبه الضعيف انكسر

من ناس افتكرهم عزوته

لكنه كان طيب وحلوة بسمته

لكن بعد الجراح في وحدته 

سابته

كدبوا زمان لما قالوا

الطيور على أشكالها تقع

أتاري قناع الطيبة من موقفهم

وقع ما نفع

#أسماءيحى