العقل .. احتااااااار .. !!

شوفت .. دولار 

عمال .. يتفسح

بره …. الدار

نافش ريشه

ليل … ونهار

رايح .. ينقر ..

قلب جنيهنا

بالمنقااااااار

راكب ضهره

كاتم قهره

مالك أمره

رايح .. جاي

بالمشوااااار

جنيهنا بيبكي

وعمال يشكي

ونازله دموعه

بالقنطاااااار

طول عمر الغالي

مقامه كان عالي

ودوسنا عليه

صغار وكبااااار

والغلبااااان ….

معتش .. لاااااقيه

والعدماااااان …

يا معالي البيه 

يعمل إيه … ؟!

وقلبه يا باشا …

مولع نااااااار

والتجار … 

عاملين شطااااار

كل دقيقة …

عاملينها. حريقة

رايحين بيغلوااااا

ف الأسعاااااااار

والأسعار زي المنشااااار

عمااااال .. يقرض ..

ليل ….. ونهار

قلب المسااااااكين

ف قلب الدار

نعمل إيه … ؟!

قولولنا.. يا نااااااس

والعقل .. احتااااااار

الشاعر منصور أبوقورة