ضحك الجدع 

وسط الوجع هيبة 

لا ف يوم نصفنا القدر 

ولا ظلمه كان عيبة 

والصبر لما اتعذر 

صرخ من الطيبة 

والقلب لما جبر 

طلعتلوا مية خيبة 

ومهما تأسى يا دنيا 

هتفضلى حبيبة 

فوطة وفرشة وورنيش 

وعيون مية مرة ماتت 

وحالفة لفيوم تعيش 

ومآسى فى القلب نامت 

وحكاوى ماتتحكيش 

حكاية عيد من غير قراقيش 

وجهاز بت وسفرة ونيش 

فستان مانفعش الا بكرانيش 

والصبر لما اتعذر 

صرخ وقال مافيش 

يادنيا حنى علينا 

لو مرة وماتخافيش 

سلوى محمود