……..( ياللي مشيت)………

هو البعد خلاص بقى دٕين

وانت الحضن ولسه مٓدٕين

أصعب شئ الوحدة ياروحي

حتى ان كنت بعيد مترين

في الليل حتى سريري يئن

كل ساعات الليل بتجن

حضني ليلاتي عليك بيحن

زي الصدر ماكان بيحن على الطفلين

قلبي بيجري زي الموجه ف وقت الريح

ياللي مشيت وسايبني لوحدي بدون تفاريح

هو وجودك بس معايا .. 

يكفي ياروحي بدون توضيح !

يعني وتاني الضحكة تلاعب الشفاتين

يعني في بعدك كل أمان الكون بيغيب

كل حيطان البيت مشتاقة يا أغلى حبيب

ملعون أي فلوس ان راحت أو هتجيب

حضنك وحده يخلي القلب يعيش فرحين

ياللي وجودك فجر بيسبق أيها ليل

لما بعادك خلى قمرنا ينام وعليل

قربك جانبي قسما خلا الشمس تميل

حضنت روحي وطرح الحب على الضلعين

آه من ليل الشتا في غيابك 

برد ورعشة وخوف على بابك

أفكار تجري تغطي سحابك

لما يعدي الليل ليلتين

شوف كام ساعة أحاول انام

شوف وانا صاحي بشوف كام حلم من الأحلام

أو يهاجمني شيطان ويحاول في الأوهام

نفسي تشوف فرحتي في عيوني 

لما الليل بيعدي بلين

واصحى ياروحي أعد في بعدك فات كام يوم

 امتى هتيجي وامتى هشوف بعيوني النوم

امتى الزكرى هتبقي حقيقي

 وبين درعاتك نفسي ما اقوم

وانت زارعني ليلك كله مابين ضلعين

هو البعد خلاص بقى دين

ياللي زرعت الشوق رياحين

ارجع بقى واتغطى بجلدي 

ولما تنام نام في الشرايين

……..( شعر )…………

   عبدالله السايح