د/عبدالمنعم الفقي

……

وأنت غايب

……

وأنت غايب بألقي روحي

هايمة بتدور عليك

بألقي إحساسي وعمري

كله بيناديك

قلبي متلهف ودايب

وأنت غايب

……

الثواني تفوت سنين

والدقايق عمر تاني

قلبي يسأل هو فين

خد معاه ضحكي وحناني

وأجرى أدور في الشوارع

واسال الناس عليك

وأبقي في الوحدة ضايع

نفسي نظرة من عينيك

فلبي متلهف ودايب 

وأنت غايب

…..

قولي مين بتشوفه عندك

مين جيرانك مين صحابك

وأوعي تشكي

ما اللي صابني برضه صابك

وأوعي تكدب 

القمر يفتن عليك

هو شايفك

بيناديني ويناديك

قلبي متلهف ودايب

وأنت غايب 

…..د/عبدالمنعم الفقي….