غزل

الك انت الكلب يرتاح يا احلى قصيدة غزل نطقته أشفافي

ولك فدوه العمر كله يا احلى عمر يا يا ذهب يا صافي

لجل عينك تركت الناس وفضلت على ناس واصحابي

يا عشرة عمر يا عطاب جرحي المانشف يوم يلدافي

ويا احلى عطر شميته من اسنين ظل راكد على طرافي

ياغصن ريحان من يميل يركصله الكلب وترجفله ضلافي

الك فدوه العمر كله نذرته شموع ولك فدوه تروح الروح يلغافي

ناذرك نذر من اتعود اطشلك حامض حلو وجكليت وعلك جفافي

على جرف الكصب والهور شتلتك يا ورد قداح بطرافي

لاتبخل علينا بجيت الخطار ولا تترك هوان تركت مجافي

هو العمر كلي شبكة بيه وعليه نلوم وانت سفينتي ومجدافي

خل ننسى المضي والراح ونكلب صفحة جديده يا لبن صافي. بقلمي فاضل علي العبسي