……….. الشعب الأسمر ………..  

************************

شكراً لجنوبك أفريقيا 

لو حتى مافيش حاجه هاتحصل ؟ 

لو حتى المحكمة هنا كانت 

هزليه ووهميه ك حفتر ؟ 

وقضائها بيرتشي وده عادي 

متوقع والله وأكتر ؟  

يكفيكم حسن وللنية  

رجاله بجد وده الأخطر ؟ 

مش يعني ذكور زي أشاوش  

في بطايق بس يكون عنتر  

وياريتهم شيبوب في الواقع 

أو حتى ك عبلة لكانوا أشطر   

بين الأتنين هما ده فعلاً 

لا رجال ولا نسوان تتستر  

مشكلة وكبيرة ده تخنيثهم 

لو صايم ممكن راح تفطر ؟ 

شكراً لرئيسك ولناسك   

وياااارب قضيتنا ماتخسر  

شكراً ولحد الموت شكراً  

من ياسر للشعب الأسمر .. 

بقلم .. ياسر فؤاد الجدي   

الأحد ١٤/١/٢٠٢٤