في الحب 

كل قلب له مواله 

إللي قريب وإللي بعيد 

وإللي مش على باله 

إللي سعيد وإللي حزين 

وإللي دمعه نزلاله

قلبك قاسي والحب لعبتك 

عشناك حلم جميل 

وزدنا في المنى

وقلبك بخيل بخيل 

وزاد في هجرنا 

وخلى الشوق شوك 

فارد قلوعه في حيينا

يا شوق روح للحبيب 

وقوله بعيونه نظرة 

وارجع تاني غيب 

حتى لو مر صدفة 

يمكن قلبي يهدا

مش كفاية يا شوق 

قلبي ملاه الوجع 

ولف ألف سوق 

يضرب الودع 

يمكن يخف الوجع 

مش كفاية ياحب فراق 

أنواع العذاب قلبي داق

تايه الدرب منه 

مابين حارة وزقاق 

يمكن يخف الوجع 

لو مر يوم من غير مايحس 

بيك قلب حبيبك 

إنساه وقيم عزاه خلاص 

قلبه مش نصيبك

كلمات: محمود صلاح