قصيدة بعنوان

(بنسمع عن الخاين؟؟؟؟)

بنسمع عن الخاين.  

وبنسمع عنه في الأفلام. 

بنسمع عنه في الشارع

فلان خان عيشك وملحك

وخان العشرة 

وماردش عليك بسلام.  

بنسمع عنه في الحواديت. 

في كتاب مرفوع من الخدمه. 

مخلوق من طايفة الأباليس.  

تبات معاه على الحلوه. 

تصحى من نومك على

 الكوابيس. 

وال معرفتوش ونفسي أعرف. 

الخاين بيخون العشرة. 

ولا الخيانة فيها تفاصيل.  

الزوجه تخون زوجها 

عشان زوجها من قبلها خانها

ولا لازم من التأويل.  

 مين يعرفني ويفهمني.  

بمعناها الحقيقي ويسهب

في الشرح ويتمهل 

 عشان خاطري في التحليل.

يشرح لي بزياده ويسبني 

من التغفيل.  

يعني لو الزوجة كلمة واحد

بحسن النية تبقى في الأساس

خانت ولا لازم من التضليل.  

ولاتار بتار وبترد له الصاع

بصاعين.  

 إن خنت لازم

تنخان وكما تدين تدان.  

إيديك تتمد على الغلطه 

تعيش بقية عمرك في خبر

كان وال الأحلى وال أقدر

أقوله تمشي عدل

 تحتار فيك العدوين

 سيبك من قاله وقلنا والكلام

الفيك كلام ما بيجبش من

الآخر الدين في الدنيا تقوى

إن خنت بتخون نفسك 

وبيترد لك نوبتين

 نوبة لأنك مقدرتش ال عايشه

 معاك. 

ونوبه لأنك من التعابين.  

والزوجة إن خانت زوجها 

يبقى كان السبب فيك إنت

يا إما عينيك زايغه بتاع

نساوين…….. 

ولا بس قناع شيخ مفتي

وبيفتي الهايفه وبتمحلس 

ويتنعم ويتسهوكت وبمية

ذمه وكلنا عارفين.  

وعالم كمان في الدين.  

ولابس عمة المرحوم

 وبيتمسكن على عباد الله

 وبيوهمهم بإنه إمام

جامع وبيصلي الفرض فرضين

زهقت من تفسير كلمة الخاين. 

الخاين أو الخاينه بيبان في 

لمعان عينهم ومن حركاتهم

ولاتغتربالمنظر دا مهندم

ومتحفلط وحافظ له سورتين

وآه وألفين آه من مسكنته

 ولاتأمن له على نفسك

لو قدم لك من الخير ملاييين.  

لاينفع معاه أعذار ولا تسامح

لو جالك يبكي ويذرف دموع العين. 

مرايه لو إنكسرت ترجع أصلها فين.

والزوجة تلبس لك قناع مريم

بتوله سبحانه الله ودموع تماسيح

وتتمسح وتغلب الشياطين. 

طلعت آدم من الجنه 

وخلته إرتكب ذنبين.  

 وال أقدر أقوله عن نفسي.  

ومن خلال شعري 

ومن فحوى معانيها

 ربنا يسترنا

آميين………..!

بنسمع عن الخاين.  

12/1/2024

(ترنيمات وخواطر.بقلم ……….)

(شاعر العاميه/خيرى حسنى…..)