الله يصلح ذات البين. /الى اين/

وغلبنا على الشيطان

ولا غير ينفث وحنا نفذ

قاليك بعد على الشر 

وغنيلو 

وخا يقرا ف السبعي

ما فهم والو من قرايتو

لعبو الشيطان وغرو

على صبع واحدشطحو

خلاه معلق مايفكوه

غير فعايلو

يسحابليه تهنا من خوه

والبزولة لي رضع فيها

يبسات غلطان

غدا يوم لخصام 

انا وهو وهي نتحاسبو

لي فرط يكرط

والخبزة لي حلف عليها

خضرة مازالت كتخمر

سعدات فاعل الخير

 ؤبلوصية عمل

والدنيا فانية

وأراك ألفراجة

ملي وجه لوجه مع

الوالدين تتلاق 

والاخرة هي الدار الدايمة

فاش نفعاتك قرايتك

ما درتي حساب فيها

غير لعنادك وتكبرك

بلحق ملي تجمع رجليك

تطلب اسماحة الى سمح

ليك شيطانك تطلبها 

تكون بحال

فرعون ملي قال امنت برب موسى

وما كان من لمسلمين خلاه الله عبرة

وهذا حال المتكبرين

حبيبة أخريف *ردا على صديق

استغاث باخيه ولم يستجب ولمن يأخذ بالعبرة اخاطب كذلك