عاشق الوجع …بقلم الشاعر صبري رسلان 9 جانفي، 2024 بواسطة souadchahidai عاشق الوجع (669) …………… مبقاش فاضيلي من اللي راح غير شيب وذكرى وقلب خايف دقته ما تجيبش بكره من كتر ما صابني الوجع والليل وقاسي وعيون وجفت دمعها غابت تواسي كل أما بنسى بفتكر وبتوه ليالي وبأيدي بضغط ع الألم وببكي تاني ساجن ليه حالي في ماضي راح عايش في دور مظلوم جراح ولبكره ناسي جوايا لا أنا حاسس بروح والخوف أسيرني في بير جروح ثوب وهمه كاسي إمتى هفوق من اللي أنا فيه وترتاح عيوني وما أشتكيه وإن شوفته ناسي لا الدمع هيرجع ما راح ومسيري هتخطى الجراح وتطيب مآسي خايف بكلمه أحن له وأشتاق لناره وقسوته أنا أيه جرالي راضي إني أرجع للعذاب وأسجن له عقلي ورا ألف باب وأسامحه عادي مجنون وعاشق للوجع يحب خناقه ورجع بدموع صدم نفسه وحلف ما يفارقه تاني بقلم .. صبري رسلان شارك هذا الموضوع: المشاركة على X (فتح في نافذة جديدة) X شارك على فيس بوك (فتح في نافذة جديدة) فيس بوك إعجاب تحميل... مرتبط
ترانيم بحة الناي 