قصيدة بعنوان

(ألف خيبة؟؟؟؟؟!)

ألف خيبه على ال 

مايعرف ويقدر قيمة أبوه. 

ألف خيبه على المستهتر.  

ال فاكر إنهم ظلموه. 

ألف خيبه على ال سهل 

 ينسحب زي الخروف.  

وينسى نفسه وينسى

إنهم طفحو الدم لما علموه. 

ألف ومليون خيبه على ال

يندلق زي الجردل ويخيب

ظن من ربوه.  

ألف خيبه ويا خسارة البطن

والكتف ال شالوه.  

ألف خيبه ومنين نجيب

ال يفهموه إنه مش رخيص

وغالي أغلى من الدهب لو لمعوه.  

ألف خيبه علي أنا لأني 

فاكر إن لو مت قبري يزروه.  

ألف خيبه على ما يعرفش

يقدر قيمة أهله ويخاف

على شعورهم لو جرحوه.  

ألف خيبه على ال يبان صغير

قدام نفسه ويعيبة العيبه. 

على ال مايعملش لنفسه

كبير وينس إنه لو أنخدش

ينكسر زي المراية سهلة

الكسر وعمر ال ينكسر 

مايرجع لو لحموه. 

مين يفهم الجحش ال سهل

يتركب ويسكوه.  

مين يفهمه أنه سهل ينلعب

بيه زي الكوره مين يفهمه

أنه مش رخيص أغلى 

من كل الدنيا وغلاوتة 

كل يوم بتزيد

في القلب ولكن أوعاه 

ينسى حدوده وينسى

زمام نفسه وإنه له رابط

ينربط وله أب لساه على

قيد الحياة وحدوده ما يعدوه. 

ألف خيبه على ال عقله صغير

وفاكر إنه كبر وسهل رأي

 أبوه يخطوه.  

ألف خيبه وهافضل أقول للصبح

لحد ما صوتي يروح 

ياريت يرجع يتوب ويبدأ 

صفحته البيضه ليندم 

على غلطته ويتمنى لو نصحوه.  

ألف خيبه على ال كان مني

وما عملش لي حساب.  

ونسي ال علمه من يوم ما

إنقال له تاتا يقع ونسنده ويتعدل

من وقعته ويعيد ويقع ويتعدل

لما كبر وكبروه. 

إفهم ياحته من قلبي خدوا

مني روحي خدوا كل ال مني

أركاني عمري ولعمركم مدوه.  

إفهم إنك جوهرة وألماس

وقطعة الدر واللؤلوة ال 

بتبرق وتضوي وأوعاك 

حياءك وال الحلوه ال فيك

يكونوا خدشوه.  

إسمعني لو مرة في حياتك

بكرة تفتكر ال قلته ليك. 

أنا ال أخاف عليك وألملمك 

أنا إل تعبت فيك أوعاك تسمع

كلام غيري حتى لو الكل قالوه.  

ألف خيبه على ما يقدر 

الفقير ويحتقر فقره وينسى

إن الغنى غنى النفس وإن

ال بيقارن عزوته بماله القبر

بيلم وما أوحش الدود 

ال بينهش في اللحم وال مايعرف

ولا يفرق في قيمة ال دفنوه.  

قصيدتي كتبتها لي وللي يقرأها.  

وإحسن الظن في وفي نفسك

وفي ال كلامي فهموه. 

الابن زي البنت الحب مابيجزأش

والقلب ال بيدق بين الضلوع

واحد خلي ليك حلم وإمشي

وراه وإكبر بحلمك تنشال على

الراس والكل يجيك راكع

وإنت بشموخك تشاور بصابع

واحد على النصيب والغالي

بيفضل غالي على القلوب 

حتى كمان عدوينه يحبوه. 

ألف خيبة………..

8/1/2024

(ترنيمات وخواطر.بقلم…………)

(شاعر العاميه/خيرى حسنى