(وقُل ربِ إرحمهُما كما ربيانى صغيرا)

 دعواتكم لأمى وأبى بالرحمه أثابكم الله 

رحمه ونور بقلم أحمد شاهين

مِن غيركوا ميّت

ومعاكوا بس بّعِيش

الضِحكه راحت

الإبتسامه مفِيش؟

الدُنيا فاضيه والله

مِن غيركُم

ولِسه عايش فيها

مِن خيركُم

بدعوه باقيه فى 

السّما بِتعِيش

القّلب باكى والعيون

بتحِن

أنا طِفل مهما قالوا

زاد فى السِن

ولِسه بفهّم دُنيتى 

بِشويِش

السِكه توهه والقلوب بتخُون

والناس معادِن ألف شكّل ولون

وآياك تأمِن حدّ مِش

مضمون

نصّحنِى أبويا 

وقال لى ما تبكِيش

دمعِة عيونك أغلى مِن الدُنيا 

وفّر دموعك دا الحياه فانيه

نِديها روحنا وهى ما تِدييش

أنا ببكِى يابا بس ع الغاليين

إنت وأمى والعيون شاهدِين

ولما بضحّك قلبى يبقى

حزين 

بنادِكى يا مّه ليه ما بتروديش

 الذكرى أجمل ما فى خيال الناس

وصوت وصوره مُنتهى 

الإحساس

ويانا عاشِت ويا كُل الناس

وبعد موتنا ويا غيرنا تعيش

مِن غيركوا ميِت

ومعاكوا

بس 

بّعِيش

كلمات. أحمد شاهين