قصيدة بعنوان

(قلب أبوك؟؟؟؟)

قلب أبوك من جوا ليك

لما شعرة تدخل في عينيك.  

أو إيد مكسورة ليك.  

لما تتأوه أو تنازع أو تتألم

من شيء يضرك أو باليك.  

إنت أغلى حاجه عندي.  

لو طلبت روحي مني. 

خدها ترخص حتى كل

شيء يوزن جرام بالنسبة بيك. 

ما إنت عود صلب لي 

لو مالت الدنيا بي أو لاقتني

يوم إنحنيت سند في وقت

الشدة أو طلبت يوم عينيك

وأوعى تنسى مرة في

حياتك أمك و إني أبيك.

وإنت الوحيد ماليش

في الكون دا غيرك غير إخواتك

البنات وإنت أخوهم 

وسندهم من أول يوم رحيلي 

ضي ندري وعيني

وعصاتي ال هاتعكز عليها 

لو طلبت أبيع نفسي وشاريك

دمي موصول بيني وبينك. 

خد من عمري ال باقي.  

ومد عمرك واوصل براحتك

خمس في عين كل

ال شافك ولم يصلي لنبيك. 

كسرة إيدك شيء بسيط

أو شيء هين صحيح وإنت راجل

تتحمل الصعب والألم

رغم ذالك بارضوا يوجع

 قلب ال ربا وال تعب وعانى

وللي قال تاتا خطي العتبه

تاتا وإنت طفل وداديك. 

قلب أبوك وقلب أمك

لو هاتعرف إنت بالنسبه لنا

إيه أو مدى خوفنا عليك

قلب أب لما إبنه شوكه تشكه

تلاقي كل فيه فاديك. 

عين بتحرص إيد تشيل

أو تغطيك من البرد مثلا

 ولسان بيدعي لربه 

بدون ما يشعر الله من 

فوق سماها حاميك

من كل شر أو عين حسودة.  

مين في الكون دا يساويك. 

لما فكرت أكتب عنك قصيدة. 

قالوا ما أنت شاطر في الكتابه. 

كل حاجه بسيطه تحصل 

تجري تكتب ولما تجي في 

الجد وأحمد إبنك في غرفة

العمليات وتحت إيد دكاترة.  

ومشرط لو ها تعرف لحظه

من فضلك شويه وروق علي

خاني قلمي وكل الحروف

غابت عني وهربت 

وكل الكلام والمعاني

 حتى شعري وقصيدتي

كيف أجمع كلمة وأكتب. 

وعقلي كله في مصيبت إبني

والوجع كله فيك. 

أسأل الله ربي إنه يحرص لي

وليكم ولادك ويبعد الشر عنهم

هما لينا ثروة حياتنا وإل محروم

يبقى عنده يمكن يبروونا في

كبرنا وتلاقي ال يواسيني

ويواسيك. 

ويشيل النعش بكتفه ويوصلنا

في آمان أو لما تعييا يداويك.  

قلب أبوك………..

5/1/2024

(ترنيمات وخواطر بقلم……….)

(شاعر العاميه/خيرى حسنى..)