علق .. يا دويري .. !!

علق يا ( دويري )

يا دويري .. علق 

فرح قلوبنا 

بالنصر بالمحقق

هات البشاير 

مع الطير اللي طاير 

من قلب (غزة )

واسأل يا دويري 

جنود الصهاينة 

فين ( الميركافا ) ؟!

اللي أكلها صاروخ ..

( الياسين ) .. المحندق

علق يا ( دويري )

يا دويري .. علق

واسأل ( نتن ياهو )

ايه اللي جرالك .. ؟!

يا بيبي .. يا محندق .. !!

اشرب يا نتن 

الشهد المروق 

ع خيبة جنودك

فين ( الجولاني ) .. ؟!

وفين طياراتك.. ؟!

وفين جرافاتك.. ؟!

اسأل عليها ..

( أبو عبيدة )

ودور عليها ..

ف كل خندق

علق يا ( دويري )

يا دويري .. علق

وقول للأشاوس ..

ع أرض غزة 

رفعتوا رءوسنا

فوق السحاب 

وفجر العرب

ع كل باب

بالنصر شقشق

ساعات ونرفع ..

علم العروبة

ف كل حارة 

وكل مفرق

علق يا ( دويري )

يا دويري .. علق

بكرة .. جاي 

بالعام الجديد

جايب معاه ..

النصر الأكيد 

وحلم العروبة

راااااح يتحقق

ونشد الرحااااال

ع الأقصى السعيد 

ونلبس توب النصر 

المزوق

علق يا ( دويري )

يا دويري .. علق

الشاعر / منصور أبوقورة