ما تتأخرييش …بقلم الشاعر أحمد شاهين 26 ديسمبر، 2023 بواسطة souadchahidai ما تتأخرييش بقلم أحمد شاهين نزِل السِتار والقلب لسه ماقالِش جُمله وانا قلبى اول إسم نوّر ع الأفيش انا قلبى جوه الشرنقه يقدر يعيش يقدر يرفرف بجناحاته ويبنى بيت قشّ وريش يقدّر يطبطب ع الحبيبه يقول لها لأ ما تخافيش ولا قفلة الترباس بتحمى ولا ألف قصّر وألف شيش ولا ألف حارس بالسلاح ولا صوت كلاب غاويه النِباح ولا حتى فى الأرض البراح أحلامنا راح تقدر تعيش أنا قلبى بيتك أه ه ه يا ريتك كنتى جنبى ما سيبتنيش هتقولى شاعر شُغلته بياع كلام ودا إتهام والإتهام من غير أدله ما يساويش نزِل السِتار وانا قلبى عاشق الانتظار ليله طويل لكِنه مستنى النهار والشمس تشرُق من جديد وابان أنا إنسان سعيد رغم الهموم قادر أعيش قادر فى حلمى أحضنك رغم البعاد دايمآ ما بينّا فيه ميعاد أرجوكى ما تتأخرييش كلمات أحمد شاهين شارك هذا الموضوع: المشاركة على X (فتح في نافذة جديدة) X شارك على فيس بوك (فتح في نافذة جديدة) فيس بوك إعجاب تحميل... مرتبط
ترانيم بحة الناي 