قصيدة بعنوان

(كنت ليكم؟؟؟؟؟!)

كنت ليكم. 

كل حد. 

كنت ليكم 

إيد تشد. 

كنت أخ وكنت

أب كنت عمر

بطوله ضحى

كنت في وقت

الشده أسد 

كنت ليكم. 

في وقت ضعف. 

إيد تطبطب

تمسح دمعة

عينيكم

كنت لما تحتاجه

حاجه كنت

ألبي بدون

ما أسأل 

ومن دم قلبي

لشريانكم 

  يمد. 

كنت ليكم. 

رغم ضعفي. 

وكبر سني. 

أشوفني أقوى

من الجبال 

لما الدنيا 

في وجهوكم

تقفل بابها 

وترد. 

أنتم كنتم 

أغلى شيء

عندي لو مش

مصدقين.  

خالوا سنين

الغربه تعد. 

كنت ليكم

أشوف نفسي

في بريق عينيكم. 

ليها لمعه بدون

ماتسأل كنت

أفهم من غير

إجابه بدون

ما أصد. 

بكره يجي اليوم. 

وأرحل عن عالمكم

ومن وجودكم

وال هايبقى فاضل

مني هي صورة

داخل برواز. 

وهاتقوله كان لينا

أب إسمه 

خيرى أذكروه  

بكره تنسوا 

كان إيه شكله

أو ملامحه 

وذكرياته أو تقوله

دا كان صعب 

بقلب قاسي. 

 وكأنه كان

 لينا ند. 

كنت ضحكه

في وشوشكم. 

كنت سعدكم وهناكم

كنت لقمة تمضغوها. 

كنت شربة بتشربوها. 

كنت راحه بعد

تعبكم ترتاحوها. 

 لكن مشكلتكم 

إنتم بتنسوا. 

في لحظه بدون

شعور كل حاجه

بتضيعوها حبي

ليكم وعشقي ليكم

والأكيد من غير

ما أنسى إني خايف

تبقى عاده 

وتبقى سنه 

تتعودو ها. 

كنت ليكم.   

25/12/2023

(ترنيمات وخواطر.بقلم…………..)

(شاعر العاميه /خيرى حسنى….)