بقلمى/ السيد محمد

  ( حاله من اليأس )

كل حاجه فيا وجعاني، ،

باكل لقمه وأسيب أتنين..

مبقتش قادر علي الوجع ،،

وتمللي مهموم أنا وحزين ..

الدنيا كلها تعباني ،،

أشكي يا ناس وأقول لمين..

كل ما أقول أه ياني ،،

الأطباء لعلاجي مش عارفين ..

يروح الوجع ويظهر من تاني ،،

مش عارف أهرب وأروح فين ..

 النفسيه دايما بتعاني ،،

عايشه مكسوره بقالها سنين ..

قُلت أنسي سمعت أغاني ،،

لقيت وتر العود بيعزف لي آنين ..

كأن الحزن ملكي وعشاني ،،

كآبه وهموم في قلبي ساكنين ..

علي شط الجرح الحزن رماني ،،

وجسمي متقطع بالسكاكين ..

مبقتش فارقه ده العمر فاني..

بحسن ظني في الله ، ،

سيرحمُني رب العالمين..

بقلم/ السيد محمد