( تاج الخلود ) 

ثانويه عامه وكورونا وشباب عالنواصي شريد

ومشاكل بها شغلونا دا حاير ودا مش سعيد

الأب قال يا حكومه تعبونا خِفٌِي القيود

دروس من أول ( بؤونه ) خصوصي من غير حدود

ونتايج ماهش مضمونه ومجاميع صابها الجمود

الطلبه قالوا الحقونا بذلنا كل الجهود

و (التابلت) خصصوه لينا وقالوا لازم يسود

واحنا طلعت عنينا وكل اللي فات مقصود

ياريت الجامعه تقبلنا من غير حجج وصدود

وتفتح بابها وأملنا عددنا يبقى موجود 

ربنا ما قفلش بابه والرحمه من غير حدود

والعلم له أصحابه تحبه تعيش مسعود 

كلنا بنحب وطنَّا ندافع عنّه ونذود

ونرفع راس اللي أخلص ونقَدٌر كل الجهود

*****. *****. *****. *****

يا شمس نورك ساطع حمرتي كل الخدود

والصحة عمت وبانت والشيب ماعادش يعود 

والبنت راحت تشارك في النهضه وادي الشهود 

بلدنا في القلب دامت نهضتها منذ الجدود 

العلم والدين في إيدينا سلاح يحمي الحدود

والشعب دايما شارينا والوحده فكت قيود 

بكلمه نحيي ماضينا وبكلمه نشعل بارود

َالشعب عايز جنوده يكونوا زي الأسود 

يحموا الوطن وحدوده ويشلوا إيد الحقود 

الشعب راسم خطوطه ولا يعرف كلمة جحود

ولا مره خالف وعوده فوق راسه تاج الخلود 

بيحب بلده وحبه اتخطى كل الحدود  

*****. *****. *****. *****

بقلم د / عبد الرحمن فتحي الحناوي.

من مصر

السبت ٢٣ من ديسمبر ( كانون الثاني ) سنة ٢٠٢٣