وصيتي لكم

ما تدفنوني بالساحل 

اعملوا دا معروف

العيشة غالية هناك

 ما تحتملش كسوف

الكفن دبلان رخيص

أوعاكم يكون صوف

أصل الفقير أنعدم

محصلش ربع خروف

منداس عليه بالقدم

وكف الظلم حلوف

واخد قلم مايشوف

فقير في هدمته ملفوف

ومتعملوش لي عزا

ليخصموا المصروف

كفاية سقفة على الكفوف

احسن بموت مالخوف

وامشوا ورايا متفرقين

أوعوا تمشوا صفوف

يلا اعملوا بروفة

خلوني اشوف

بقلم مولانا العارف بالله الضاحك الباكي بلال هشهش بيلا مصر